Frank CLEMENT

• 66 Joer, bestuet mam Myriam WANTZ, 2 Erwuesse Kanner, Lynn a Kim
• Vun 2021 un a Pensioun, virdrunner selbstänneg am Assurance Secteur
• Hobbyen: Spinning, Vëlo, Trëppelen, Bopa vun 3 Enkelkanner sinn
• Seid 22 Joer am Gemengerot, dovunner 8 Joer am Schäfferot
• Mäi Motto: En oppent Ouer hunn fir d’Leit aus dem Duerf

Mat Häerz a Séil fir Biissen :

Wichteg ass mir e schéint a gefleegt Duerf, an deem et flott liewen ass, mat Plaze fir ze entspanen, sech ze treffen, sech auszetauschen.

Nohuelbedarf gëtt et an der Unzuel vu Plazen an der Crèche, an och eis Schoul a Maison Relais muss dem Wuesstem vun eiser Gemeng di nächst Jore gerecht ginn.

Mir hunn eis eegen Drénkwaasserquellen déi solle mer schützen, an och den Héichwaasser- respektiv Starkreenschutz ass ëmzesetzen, grad esou wéi eng Verkéiersberouegung fir eist Duerf.

Fir mech sollen de Wuesstem, d’Ëmwelt an d’Duerfgestaltung zesumme mat enger gesonder Finanzgestioun di nächst Joren eng prioritär Roll spillen.

Maria BARROS

• 51 Joer, an enger Bezéiung mam Cédric HELBECQUE, 2 Kanner, Noémie 19 Joer an de Mathis 14
• Privatbeamtin
• Hobbyen: Fotografie, Bannendekoratioun, liesen, kulturell Reesen
• Seid 10 Joer aktiv an der Katechees

Mat Häerz a Séil fir Biissen :

Wichteg si mer d’Integratioun vun alle Matbierger, fir dat si sech wuelfillen an eiser Mëtt, och fir Persoune mat Probleemer an der Mobilitéit kann nach villes verbessert gi fir sech sécher a bequeem am Duerf vun engem Punkt zum Aneren ze beweegen. De klenge Commerce soll erhale respektiv ausgebaut ginn.

Ëmmer méi Ufuerderunge koumen di lescht Joren un d’Gemeng am Beräich Schoul an Opfangstrukturen, ech well mat dozou bäidroe fir beschtméiglech Infrastrukturen an eisem Duerf ze schafe fir datt eis Kanner a Jugendlech sech gutt ënnerstëtzt um Wee zum Erwuessene gi fillen.

Kultur ass e wichtege Bestanddeel vun eisem Liewen. Dofir well ech mech fir d’Erhale an d’Opwärtung vum kulturellen Patrimoine asetzen.

Ech sinn Tânia Rei

• 28 Joer, gebirteg Ettelbréckerin, a viru knapp engem Joer op Biissen wunne komm, nodeems ech 2021 ee Biisser, de Charel Engel, bestuet hunn.
• Ech si Chef d’Agence zu Dikrech
• Meng Begeeschterung gëllt der Literatur, der Innenarchitektur an Zeechnen, dem Theater an dem Judo
• Seit jeher Politik interesséiert, hat ech schons fréi Kontakt mam Jugendparlament

Meng Härzensthemen sinn Mobilitéit an Ëmwelt. Ech si vill mam Fotoapparat ënnerwee am Duerf a mache mer meng Ideeën wéi een eist Duerf kéint, net nëmmen verschéineren, mee och duerch verschidde Moossnahmen, Punkto Mobiliéit an Sëcherheet, verbesseren.

Duerch meng Aarbecht hun ech och ee gutt Gespier fir Finanzen, dëst Wëssen well ech an der Gemeng abréngen a neie Matbierger hëllefen sëch hei am Duerf ze integréieren.

Mike GRAAS

• 40 Joer, bestuet mam Valérie Kappler, 3 Kanner, am Alter vun 2 6 an 8 Joer
• Indépendant als Handwierker Beräich Bauzeechner, Maquettist a Grafiker
• Hobbyen: Klammen, Vëlo, Scouten a Gaart
• Sekretär vun der Bautekommissioun an eiser Gemeng
• Well d’Handwierk mech staark interesséiert sinn ech als Comitésmember Tresorier am Jonk Handwierk, Examinator fir d’Geselleprüfung vun de Bauzeechner.

Mat Häerz a Séil fir Biissen :

Ech well mech am Urbanismus a fir e nohaltegt Bauen an eiser Gemeng asetzen, verbonne mat verschiddene Fräiheete beim Ëmsetze statt verbidden, natierlech am Respekt mat de Reegelen.

En harmoneschen a sécheren Duerfkär, mat Park a Spillplazen, wou ee gäre mat der Famill hi geet. Wunnengen a kleng Geschäfter respektiv Betriber am Duerf brénge Liewen, an deem Sënn soll och d’Jugendhaus an d’Veräiner ënnerstëtzt ginn.

Kulturell Manifestatioune fir all Alter sollen an eiser Gemeng hir Plaz hunn, an Traditioune sollen erhalen, respektiv erëm opgeholl ginn.

Lena EHMANN

• 20 Joer, Jonggesellin
• Schülerin am Atert Lycée du Réiden (ALR)
• Zu Biissen opgewuess an och hei an d’Schoul gaangen
• Hobbyen: Basketspillerin, Arbittesch, Co-Trainerin bei de Kanner (3-9 Joer) Danzen a Musek
• War laang Jore Member am Biisser Kannergesank a vum Jugendgrupp

Ech well eiser Gem

eng frësch Iddie bréngen, an der Jugend eng Stëmm ginn.

Véronique PIETTE

• Sinn am léifsten Véro genannt, 54 Joer, an ee Meedchen vun 20 Joer.
• Schaffen dinn ech op enger Lëtzebuergescher Bank.
• Wunnen zënter 1997 zu Biissen, an hu mech direkt an d‘Veräinsliewen integréiert, gouf deemools Sekretärin am Eltereveräin, a parallel war ech och am Elterecomité aktiv.
• An de Comité vum T.C. Biissen goung ech 2008, an 10 Joer sinn ech elo Deel vun der Kommiounsequipe, wéi och an der Equipe vun der Katechees.
• Seid 40 Joer sinn ech mat vill Freed am Gesank zu Viichten aktiv.

Mat Häerz a Séil fir Biissen :

Mech am soziale Beräich asetzen, souwuel bei de Kanner, ewéi der Jugend an den eelere Matbierger. Einfach een oppent Ouer fir déi Biisser Leit hunn, a no beim Bierger sinn.

De Beräich Kultur fir jiddereen, soll am Duerf seng Plaz fannen.

Di nächst Joren, well ech wichteg Akzenter an der Fräizäit Gestalltung, der Schoul, dem Sport, an awer och beim Schutz vu Natur an Ëmwelt, setzen.

Jang VANEK

• 54 Joer, bestuet mam Martine Prim, 1 Meedchen aus dem 1. Bestiednis vun 26 Joer
• Fonctionnaire am Personalservice beim Centre Commun de la Sécurité Sociale
• Meng Fräizeit verbréngen ech am Léifsten an der Natur mat der Famill a mam Hond
• Hobbyen: Sport a ganz besonneg Vëlo, Fitness, Wanderen, Reesen

Meng Liewensdevise ass:

wien kämpft ka verléieren, wie net kämpft huet scho verluer.

Mat Häerz a Séil fir Biissen :

Ech si sozial engagéiert duerch meng aktiv Bedeelegung bei “Les Tandems de la Vue”, enger Asbl, déi d’ganzt Joer sportlech Aktivitéiten an haaptsächlech Velos-Touren um Tandem mat blannen oder sehbehënnerte Leit organiséiert.

Wichteg Sujet’en, fir déi ech mech och well politesch engagéieren sinn:

Ëmwelt, Intégratioun an Inclusioun, natiirlech Sport fir Jonk an Aal, fir Kleng a Grouss, fir Déck an Dënn.

Duerch meng Stärkt “gudd nolauschteren ze kennen”, erhoffen ech mir op de Biisser Leit hir Suergen a Wënsch politesch Léisungen kënnen ze fannen.

Patrick SIBILIO

• 49 Joer, 2 Bouwen 10 an 12 Joer
• Senior Consultant am Beräich Informatik
• Hobbyen: Fitness, Hiking a Vëlo
• Member an de Gemengekommissiounen Event an Integratioun.
• Member vun der Commission d’Evaluation section Informatique, an Trainer bei BEE SECURE

Wichteg si mer eng Gemeng déi gutt informatesch opgestallt ass. An dësem Beräich kann ech meng Erfarung asetzen, well ech fir verschidde Gemengen am Beräich Digitaliséierung schaffen. Sief et an der Sécherheet, dem Archivage électronique oder d’Begleedung vu Schoulkanner am Internet a sozial Medien.

D’Informatioun vun alle Bierger ass mer wichteg, net nëmmen iwwer sozial Medien, well wichteg Matdeelunge solle jiddereen erreechen. An deem Beräich well ech mech verstäerkt asetzen.

Di lescht Joren huet d’Aarbecht an der Eventkommissioun an an der Integratiounskommissioun mer vill Freed bereet an ech konnt Erfarungen an dëse Beräicher sammelen.