Gemeng Biissen

D’Gemeng Biissen besteet aus den Uertschafte Biissen a Rouscht. Op Silvester 2016 hat d’Gemeng 3.013 Awunner.

Gesamtfläch 20,75 km2
Gemengebësch 586,93 ha
Wisen a Land am Besëtz vun der Gemeng 34,00 ha
Feldweeër 26,35 km

Politik

Bäi de leschte Gemengewale gouf fir déi 1. Kéier 11 Gemengeréit nom Proporzsystem gewielt. D’CSV-Fraktioun am Biisser Gemengerot besteet aus de Conseillers Frank Clement, Joëlle Fagny ép. Kraus, Christian Hoscheid a Carlo Mulbach.

Lieweg Industriezonen

Grouss Firmae sinn an der Gemeng doheem. Dozou zielen nieft sëlleche Handwierkerbetriber e.a. AMECO, ArcelorMittal Bissen, Creos, Constructions métalliques Franck, Dussmann Lavador a Luxlait.

Am Ablack entsteet um Areal vun der fréierer WirePlant tëschent Biissen a Rouscht den Innovation Campus fir d’Fuerschung. Schonns haut fënnt een hei den neie Sëtz vun der IEE.

Kuckeswäertes

An der Gemeng Biissen gëtt et munches ze entdecken.

  • Um Wobierg steet d’Rouchikapell mat hierer Westenfelder-Uergel. Virun der Kapell stinn eng Kräizstatioun an zwee bemierkenswäert Beem.
  • Déi denkmalgeschützt Uergel an der Kierch gouf 1891 vun de Bridder Müller vu Reifferscheid (Eifel) gebaut.
  • Am Chouer vun der denkmalgeschützter Kierch fënnt ee wonnerschei Wandmolereie vum Lëtzebuerger Kënschtler Jean-Pierre Beckius. Dës Biller sinn zënter September 1987 op der Lëscht vun de Monuments classés.
  • Um Biisser Kierfecht fënnt een d´Graf vum Monseigneur Jacques Mangers, fréiere Bëschof von Oslo.
  • Fir d’Produktioun vun de Mëllechprodukter méi no ze brénge gëtt et bäi der Luxlait um Rouscht d’Erliewneswelt Vitarium.
  • Flott Beschweeër ewéi och d’Grillplaz an der Bonert invitéieren op gemittlech Stonnen an der fräier Natur.